Huseyn Abdullayev

Mənim adım Hüseyn Abdullayevdir. 2013-cü ilin noyabr ayında Almaniya mənə siyasi sığınacaq verdi, o vaxtdan bəri məni öz doğma ölkəm Azərbycanın siyasi təqiblərindən qoruyur.

2018-ci ili aprelində mən, Almaniyanın mənə verdiyi pasportla Almaniyadan Türkiyəyə səfər etdim. Getməmişdən əvvəl mən bu pasportla səfər edib-etməməyimə  əmin olmaq istədim. Mənə pasportu verən şəxs, mənim gəldyim öz ölkəmdən başqa hər hansı bir ölkəyə rahat səfər edə biləcəyimə zəmanət verdi. O mənə dedi: “Sən Almaniya dövləti və Konstitusiyası tərəfindən qorunursan.”

2018-ci ilin 21 aprel tarixində, Şənbə günü, artıq bir-neçə gün idi ki, mən İstanbuldaydım. Həmin gün axşamüstü, mən Türkiyənin Terrorla Mübarizə şöbəsinin əməkdaşı uniformasını geyinmiş təxminən 15 polis nəfəri tərəfindən həbs olundum. Mənim təkidlə tələb etməyimə baxmayaraq, onlar mənə həbsimi əsaslandıran heç bir sənəd təqdim etmədilər. Mənə vəkillərimə və ailəmə zəng etməyə icazə vermədilər. Bir saat sonra məni kiçik bir polis şöbəsində kameraya saldılar.

Növbəti günün səhəri məni polis maşınında istanbulun Atatürk beynəlxalq hava limanına apardılar. Elə həmin gün, mənim narazılığıma və kəskin etirazlarıma baxmayaraq, məni zorla Türk Hava Yollarının təyyarəsi ilə Bakıya, Azərbaycanın paytaxtına uçmağa məcbur etdilər. Mənim izahatlarım, qışqırtılarım və yalvarışlarım heç bir nəticə vermədi. Milli və beyəlxalq qanunları pozaraq,  Türkiyə və Azərbaycan hökumətləri soyuqqanlıqla yalnız insan oğurluğu adlana biləcək bir hərəkət etdilər.

Təyyarədən düşəndə mən həbs olundum və Bakıda təcridxanaya salındım. Mən az qala iki ildir ki, orada əziyyət çəkirəm. 2019-cu ilin oktyabr ayında gülünc bir məhkəmə prosesindən sonra mənə qondarma ittihamlar əsasında altı il həbs cəzası verdilər. Mənim səhhətim gedtikcə pisləşir. Mənim həyatım təhlükədədir.

Həbs olunandan bəri, mən Almaniyadan mənə kömək etməsini xahiş etmişəm.  Sizin diplomtik xidmətiniz əvvəl heç bir şey etmədi, sonra mənim Bakıda keçirilən bəzi məhkəmə proseslərimdə iştirak etmək üçün Sizin ölkənin səfirliyinin nümayəndəsini göndərməyə razılaşdı. Eyni şəxs bir dəfə də mənə həbsxanada baş çəkdi. Bu heç də kifayət deyil. Almaniya, siyasi sığınacaq verdiyi bir şəxsin oğurlanıb, təqiblərindən qaçaraq canını qurtardığı ölkəyə zorla aparılmasını bildikdə necə səssiz qala bilər? Bu günə kimi Sizin diplomatik xidmətiniz Türkiyə və Azərbaycan hökumətlərinə qarşı rəsmi etiraz etməklə bağlı mənim bütün xahiş və tələblərmi rədd ediblər. Onlar həmçinin, bu məsələni mənim xeyrimə Bakıda, hakimiyətin yüksək səviyyəli qurumları səviyyəsində qaldırmağı da rədd edirlər.

Mən heç vaxt heç bir  ölkədə qanun pozuntusuna yol verməmişəm. Mənim yeganə günahım öz vətənimdə avtoritar rejimi tənqid etmək olub. Sizin ölkənin Xarici İşlər Nazirliyinin fəaliyyətsizliyinə görə mənim Sizə birbaşa müraciət etməkdən başqa çıxiş yolum qalmayıb, Xanım Kansler.

Xanım Angela Merkel, mənə, oğurlanana kimi yaşadığım və mənzilim olan Frankfurta qayıtmağıma kömək edin. Mən Sizdən xahiş edirəm. President ilham Əliyevlə danışarkən mənim dərhal azad olunmağımı xahiş edin.

Hörmətlə,

— Hüseyn Abdullayevin azad edilməsi Berlində keçirilən mətbuat konfransında tələb edilir.

— BMT-nin Əsassız Həbslərlə bağlı İşçi Qrupu Azərbaycan hökumətini Hüseyn Abdullayevi dərhal azad etməyə çağırır.

— Hüseyn Abdullayev (HA) Almaniya mətbuatında Angela Merkelə açıq məktub ünvanlayır.

 — Bakı Apellyasiya Məhkəməsi HA-ə verilən 6 llik həbs cəzasını qüvvədə saxlayır.

— HA onun haqqında verilən 1 oktyabr 2019-cu il tarixli hökmdən apellyasiya şikayəti edir.

— Bakı Hərbi Məhkəməsi HA-ə 6 il həbs cəzası verir.